Owner: Sheher-e-Sukhan URL:http://cafeliterati.wordpress.com/ Join Date: Sun, 18 Nov 2007 17:00:48 -0600 Rating:0 Site Description: A place for poets, poetry and the poetic at hear to come and share poetry and a little more. Site statistics:Click here
Ghar ki fikr to us ko ho gi 2007-11-19 02:40:49 Mujh main rehnay ki khatir tum aaye
Is say pehlay keh main derwaza kholoon, kuch boloon
Afwaahon ki gard main liptay
Zeher alood mohabbat naamay liye huay tum
Udhray huay rishton kay jaalay siye huay tum
Mujh main aan samaaye
Main rehnay kay liye bana hoon
Jo bhi aaye mujh main reh jaye
Mujhay sajaye
Jitna pyar karay utna sukh paaye
Tum say pehlay bhi kuch log yunhi aaye thay
Apnay andar mujh main tabdeeli kay khuab saja laye thay
Aur phir jis nay bhi jo ehd kia wo tor dia
Jis nay bhi jo baat ki wo rud ker di
Lekin tum nay to hud ker di
Meray din weeran huay hain
Meri subh kay chehray per kai rutoon kay zakhm lagay hain
Meri sham udaas khari hai
Meray ufaq pe sooraj lahoolahan para hai
Darwazon say mera aik aik raaz afsha hai
Meray sehen main dushmanon ki sazish ruqsaan hai
Suna hai ab is haal main
Mujh ko chor ke tum janay walay ho
Meray bahir beth ker
Mei yaad ka ghum khanay walay ho
Tum say aur umeed bhi kia thi
Tum bhi zamanay walay ho
Jub tuk ishq say ishq nahin milta
Tunha dukh
Saiyan zaat adhoori hay 2007-11-18 16:15:06 Saiyan zaat adhoori hai + Saiyan baat adhoori hai
Saiyan raat adhoori hai + Saiyan maat adhoori hai
Dushman chaukanna hai laikan + Saiyan ghaat adhori hai
Saiyan ranj malal bohat + Dewanay be haal bohat
Qadam qadam per jaal bohat + Pyar muhabbat kaal bohat
Aur isi aalam mein saiyan + Guzar gaye hain saal bohat
Saiyan har soo dard bohat + Mausam mausam sard bohat
Rasta rasta gard bohat. + Chehra chehra zard bohat
Aur sitam dhaanay ki khatar + Tera ik ik fard bohat
Saiyan teray shehar bohat + Gali gali mein zehar bohat
Khof zada hay dehar bohat + Us pe tera qehar bohat
Kali Ratein itni kiyon + Hum ko ik he pehar bohat
Saiyan dil majboor bohat + Roh bhi choor o choor bohat
Paishani be noor bohat + Aur lamhay maghroor bohat
Aisay mushkil aalam mein + Tu bhi hum se door bohat
Saiyan rahein tang bohat + Dil kam hain aur sang bohat
Phir bhi teray rung bohat + Khalqat sari dung bohat
Saiyan tum ko aatay hain + Behlanay kay dhung bohat
Saiyan mairay taaray gum + Raat kay chund saharay gum
Saray
Ik Inshah Naam ka Deewana 2007-11-18 16:13:53 Iss Basti ke Ik koochey mein , Ik Inshah Naam ka Deewana
Ik naar pe jaan ko Har gaya , mash’hoor hai uss ka afsaana
Uss naar mein aisa roop na tha , jis roop se din ki dhoop dabbey
Iss shehar mein kya kya gori hai , mehtaab rukhey gulnaar labbey
Kuch baat thi uss ki baatoo’n mein,kuch bhaid they uss ke chitwan mein
Wuhi bhaid ke joat jagaatey hain , kisi chahney waaley ke mann mein
Ussey apna banaey ki dhun mein , hua aap hi aap se begaana
Iss basti ke ik koochey mein ik Inshah naam ka Deewana
Na chanchal khail jawani ke , na payaar ki al’harh ghaatein thein
Bus raah mein unn ka milna tha aur phone pe unn ki baatein thein
Iss Ishq pe ham bhi hanstey they , behasil sa behasil tha?
Ik roz biphartey sagar mein , na kashti thi na sahil tha
Jo baat thi in ke ji mein thi , jo bhaid tha yaksar anjaana
Iss basti ek ik koochey mein , ik Inshah naam ka deewana
Ik roz magar barkha rutt mein , wo bhaadoon’ thi ya sawan tha
Deewar pe beech sumandar ke , yeh dekhney waloo’n ne dekha
mastan
Aksar shab-e-tanhai main 2007-11-18 16:12:29 Aksar shab-e-tanhai main ‘ kuch dair pehlay neend say
Guzri hui dil-chuspian ‘ Beetay huay din aish kay
Buntay hain shama-e-zindagi ‘ Aur daaltay hain roshni
Meray dil-e-sud chaak per
Woh bachpan aur wo saadgi ‘ Woh rona woh hansna kabhi
Phir woh jawani kay mazay ‘ Woh dil lagi woh qehqahay
Woh ishq woh ehd-e-wafa ‘ Woh wada or woh shukriya
Woh lazzat-e-bazm-e-tarb ‘ Yaad aati hain ik aik sab
Dil ka kanwal jo roz-o-shab ‘ rehta shagufta tha so ab
Us ka yeh abtar haal hai ‘ Ik sabza-e-pamaal hai
Ik phool kumhlaya hua ‘ sookha hua bikhra hua
Ronda para hai khak per
Yun hi shab-e-tanhai main ‘ Kuch dair pehlay neend say
Guzri hui na-kaamiyan ‘ Beetay huay din ranj kay
Bantay hain shama-e-baykasi ‘ Or daltay hain roshni
Un hasraton ki qabr per
Jo aarzooain pehlay theen ‘ Phir gham say hasrat ban gaein
Gham doston kay faut ka ‘ Un ki jawan mot ka
Lay daikh sheeshay main meray ‘ Un hasraton ka khoon hai
Jo gardish-e-ayyam say ‘ Jo qismat-e-nakaam say
Ya aish
Ghaflaton kay maray hum 2007-11-18 16:11:22 Roz-o-shab kay melay main
Ghaflaton kay maray hum
Bus yeh samajhtay hain
Jis ko abhi dafnaya hai
Bus usi ko merna tha.
Aaj bazaar main pa-bajolan chalo 2007-11-18 16:08:54 Aaj bazaar main pa-bajolan chalo
Chashm-e-nam, jaan-e-shoreeda kafi nahin
Tohmat-e-ishq-e-posheeda kafi nahin
Aaj bazar main paa-bajolan chalo
Dast afshan chalo, mast-o-raqsan chalo
Khak bar sar chalo, khoon badaman chalo
Rah takta hai sub shehr-e-janan chalo
Hakim-e-shehr bhi, majma-e-aam bhi
Teer-e-ilzam bhi, sang-e-dashnam bhi
Subh-e-nashaad bhi, roz-e-naakaam bhi
Un ka dum-saaz apnay siwa kaun hai
Shehr-e-janaan main ab baa-safa kaun hai
Dast-e-qatil kay shayan raha kaun hai
Rakht-e-dil bandh lo, dil-figaro.nchalo
Phir hameen qatl ho aa’ein yaro chalo
Ye ab ke khizaan ko kya huwa 2007-11-18 16:07:24 Mein kai ruton sey hoon dekhta keh tamaam rang hein bujhey huwey
Ye ab ke khizaan ko kya huwa kiun meri nigah mein thehar gai
Mein kya bataaon ke ab ki baar chaman ki haalat ajeeb thi
Har phool maatam-sara mila meri jahan jahan bhi nazar gai
Ye kon jaaney ke kya huwa mein dhoond dhoond ke thak gaya
Ke wo jo aek titli thi baagh mein wo bhi naajaaey kidhar gai
Abhi hey zara wo asar jisey meri zaat ney pooja kabhi magar
Wo junoon to kab ka khatam huwa wo soorat to dil sey utar gai
Mujhey kis jurm ki saza mili ke meri rooh tak hey thaki hui
Mein apni jaga sey hilaa nahi meri saans phir bhi ukharr gai
Ye chiraagh-e-jaan bhi ajeeb hey ke jala huwa hey abhi talak
Teri bewafaai ki aandhiyaan to kabhi ki aa ke guzar gai
Merey aasmaan ke haath mein bas aek chaand tha aas ka
Usey baadlon ney nigal liya to meri kaaeynaat hi ujarr gai
MOHABBAT CHOR DI HUM NAY 2007-11-18 16:05:36 Abhi jo laut kar phir tum
Hamaray dar pay ayay ho
Yeh tum say keh dya kis nay
Keh tum bin reh nahi saktay
Yeh dukh hum seh nahi saktay
Kaha tum say yeh kis nay hai
Keh tum bin hum buhat royay hain
Raaton ko na soyay hain
Sun lo ghoar say janaa
Agar beetay huway lamhon ko
Tum nay wapis lana hai
Hamari zindagi main phir
Hamain wapis bulana hai
Mujhay afsoos hai janaa
Keh tum mayoos lauto gi
Agar tum jan’na chaho
Kay aisa kyun kia hum nay
Yeh dukh kyun seh lia hum nay
To sun lo ghor say janaa
Puranay ehd-e-raftaa ki
Riwayat torr di hum nay
MOHABBAT CHOR DI HUM NAY
Ya hum to alwida keh do!!!! 2007-11-18 16:04:23 Tumhai jana ijazat hai
Koi bhi faisla karlo
Huamri muntazir thehro
Ya hum ko ulwida kehdo
Humare naam se munsoob kerdo naam ko apnay
Ya apna naam day ker tum kisi ki meet bun jao
Tumha jaana ijazat hai
Koi bhi raasta chun lo
Humaray paoon main toc waqt ki zanjeer lipti hai
Buhat nidhaal hain hum to dukhoon ki aazmayish hai
Buhat mumkin hai thuk jao humaray saath chal ker tum
Mohabbat ki thakawat tum ko hum say badgumaan kerday
To is say qabal k har ik wapsi ki raah khoo jayay
Jo soocha bhi nahi hum nay kabhi woh, kal hojayay
Tumhay jaana ijazat hai !
Koi bhi failsa kerlo !
Humara tum se wada hai tumhari yaad ko hum to
Sada dil k dareechay main yunhi abaad rakhaingay
K dil rota rahay har pal, laboon ko shaad rakhaiangay
Tumhay hum yaad rakhaingay
Tumhay jaana ijazat hai
Tum apnay hauslon main jab thakawat si kabhi pao
Ulajh jao masayil main wafa ko na nibah pao
Kisi pyaray say mukhray ki haseen ankhoon main kho jao
Ijazat hai tumhay jaana
Agar us pal jo tum chaaho
Koi bhi faisla karlo
H
Yeh meri ana ki shikast hay 2007-11-18 16:03:30 Meray hum-nawa teri bey-rukhi dil-e-mubtala ki shikast hay
Isey kis tarah main kahoon fatah yeh meri ana ki shikast hay
Tu chala gaya mujhay chohr kar main nay phir bhi tujh ko sadayain deen
Meray humsafar tu ruka nahin yeh meri sada ki shikast hay
Tujhay laa kay dil main bitha dia, tujhey raaz har ik bata dia
Tu nay phir bhi koi wafa naa ki yeh meri wafa ki shikast hay
Main chaaragh-e-kuhna mizaaj tha, tujhey bijliyoun ki talab rahi
Mujhay aandhiyoun nay bujha dia yeh meri ziaa ki shikast hay
Mujhay is tarah naa satao gay , mujhey zoam tha kay naa jao gay
Mera ghalat wehm-o-gumaan hee meri intehaa ki shikast ahay
Mujhay koi tujh say gilaa nahin, tu mila tha kub? keh bichar gaya
Meray jurm ki hay yehi saza yeh meri wafa ki shikast hay
Meri khamoshi kay bayaan ko, tu samajh kay bhi naa samajh saka
Meray aansooun ka payaam hee dil-e-baynawa ki shikast hay
Gham-e-daastaan-e-hayaat kay sub hee tazkirey huay rayegaa’n
Meray chaaragar tera yeh hunar, meri hur ada ki shikast hay
Mujhay razm
Kaha bhi tha 2007-11-19 16:18:04 Kaha bhi tha
Keh manzar to achanak hi badalta hai
Kaha bhi tha
Keh mausam to achanak hi badalta hai
Bataya tha keh pusti ka safar aaghaz ho jaye
To kitni ki bulandi ho
Ya mansab-e-jah-o-hasti ho
Bus aik hi lamhay main
Haan bus aik hi lamhay main sub hi kuch
Is tarha say khatam ho jata hai
Keh jesay aag pani say
Keh jesay koi shehzada nikal jaye kahani say
Kaha bhi tha keh hamari baat ko bayshuk tum na mano
Magar kul tum hi mano gay
Bataya tha keh charagh aandhi say bujh jain
To aankhon main diye kuch timtimaatay hain
Sitaray maand per jain to sooraj khud nikalta hai
Koi mun-zor girta hai
Koi gir ker sambhalta hai
Kaha bhi tha keh her manzar ka pus-manzar bhi hota hai
Gur deewar bun jaye to us main dar bhi hota hai
Kaha bhi tha keh her mausam kay daaman main
Naye mausam bhi to hotay hain
Jahan koi nahin hota wahan per hum to hotay hain
Bataya tha keh her aaghaz ka jis mor per anjaam hota hai
Usi anjaam say aik raasta aagay nikalta hai
Wahaeen manzar badalta hai
Sapna Aagay Jata Kesay 2007-11-19 16:08:48 Chota Sa Ak Gaoon Tha Jis Main
Diyay Thay Kam Or Bohat Andhera
Bohat Shajer Thay Thoray Ghar Thay
Jin Ko Tha Doori Nay Ghera
Itne Bari Tanhaee Thi Jis Main
Jagta Rahta Tha Dil Mera
Bohat Qadeem Faraq Tha Jis Main
Ak Muqarar Hadd Say Aagay
Soch Na Sakta Tha Dil Mera
Ease Sourat Main Pher Dil Ko
Dheyaan Aata Kis Khowab Main Tera
Raaz Jo Hadd Say Baher Main Tha
Apna Aap Dekhata Kesay
Sapnay Ke Bhi Hadd Thi Aakher
Sapna Aagay Jata Kesay
Un haseen aankhon ki wehshaton se kehdena 2007-11-19 16:04:33 Un haseen aankhon ki wehshaton se kehdena
Hum jo aasmaan hotey
Un ko mah ro kartey
Un udaas aankhon ko roshni se bhar detey
Kuch numi ko kum kartey
Kuch khushi se bhur detey
Hum jo aasman hotey
Un fasurda palkoon ki
Beqarar larzish ko …..
Mun pasand chehrey ki simt munjamid kartey
Ye agr na kar patey
Tab ussey khuda kartey
Tab ussey sanam kartey…..
Us ko murtakiz kar k
Khjd ko chaar soo kartey
Apni sans kum kar k
Us ko daan kar detey
Un haseen palkoon k
Uthtey jhuktey rehney mein
Dharkanoon ko gum kartey..
Ye bhi gar na kar patey
Phir bhi kuch to hum kartey
Un udaas aankhon ki wehshatoon se kehdena ..!!!
Do Peher 2007-11-19 16:02:36 Ye jeet-haar to is daur ka muqaddar hai
Ye daur jo ke puranaa nahin nayaa bhi nahin
Ye daur jo ke sazaa bhi nahin jazaa bhi nahin
Ye daur jiska ba-zaahir koi Khudaa bhi nahin
Tumhari jeet ah’m hai na meri haar ah’m
Ke ibtidaa bhi nahin hai ye intihaa bhi nahin
Shuru ma’arka-e-jaan abhi hua bhi nahin
Shuruu ho to ye hangaam-e-faislaa bhi nahin
Payaam zair-e-lab ab tak hai Suur-e-Israafiil
Sunaa kisi ne kisi ne abhi suna bhi nahin
Kiya kisi ne kise ne yaqin kiya bhi nahin
Uthaa zamin se koi, koi uthaa bhi nahin
Qadam-qadam par diye hain vo rahzanon ne fareb
Ke ab nigaah mein tauqeer-e-rahnuma bhi nahin
Use samajhte hain manzil jo raastaa bhi nahin
Vahaan lagaate hain Deraa jahaan vafaa bhi nahin
Ye kaarvaan hai to anjaam-e-kaarvaan maaluum
Ke ajnabi bhi nahin koi aashnaa bhi nahin
Kisi se Khush bhi nahin hai koi Khafaa bhi nahin
Kisi kaa haal koi mur ke puuchtaa bhi nahin
Ussi Aik Furd kay wastay 2007-11-19 16:00:31 Ussi Aik Furd kay wastay Meray Dil mein Durd hai kis liye
Meri Zindagi ka Mutalba Wohi aik Furd hai Kiss liye
Tu ju Shehr mein hee Moqeem hai tu Musafirat ki Fiza hai kyoon
Tera Karwa’n jo nahi gaya tu Hawa mein Gurd hai kis liye
Na Jamal-o Husn ki buzm hai Na Junoon-o Ishq ka Azm hai
Sur-e-Dusht-e-Rukhs mein Hur Gahri ko baad gurd hai kis liye
Teray Husn say ye Pata chala Tujhay Dekh kur ye Khabr hoee
Jahan Rasta hee nahi koi Wahan Rah Nord hai kis liye
Jo Likha hai Meray Naseeb mein kahin Tu nay parh tu nahi liya
Tera Haath Surd hai kis liye, Tera Rung Zurd hai Kis liye
Wo Turk-e Rubt ka Ehud tha Kahin Tootnay tu nahin laga
Teary Dil kay Durd ko Dekh kur, Meray Dil mein Durd hai kis liye
Koi Wasta jo Nahin Raha Teri Aankh mein Ye Nami hai Kyoon
Meray Ghum ki Aag ko Dekh kur, Teri Aah Surd hai Kis liye….
Yeh kabhi kisi ko khabar na ho 2007-11-19 15:59:14 Wo bujhey gharon ka chiragh tha yeh kabhi kisi ko khabar na ho
usey le gai hai kahan hawa’ yeh kabhi kisi ko khabar na ho
Kai log jaan se jayein gey merey qatiloon ki talash main
Merey qatl main mera haath tha’ yeh kabhi kisi ko khabar na ho
Wo tamaam duniya ke wastey jo muhabaton ki misaal tha
Wohi apney ghar mein tha bewafa yeh kabhi kisi ko khabar na ho
Kaheen masjidon main shahadatain kaheen mundiron main adaalutain
Yahan kon kerta hai faisla yeh kabhi kisi ko khabar na ho
Merey pass jitni hai roshni yehi hai chiragh ki zindagi
Mein kahan jala mein kahan bujha yeh kabhi kisi ko khabar na ho
Mujhe jaan kar koi ajnabi wo dikhla rahey hain gali gali
Isi sheher mein kabhi mera ghar bhi tha yeh kabhi kisi ko khabar na ho
Wo samajh ke dhoop ka dewta mujhe aaj poojney aaye hain …
Main charagh hoon teri shaam ka yeh kabhi kisi ko khabar na ho..
Kuch bhee naheen! 2007-11-19 15:38:47 Socha naheen accha bura
Dekha suna kuch bhee naheen
Manga khuda say raat din…
Teray siwa….. Kuch bhee naheen!
Dekha tujhey chaha tujhey
Socha tujhey pooja tujhey
Meri wafa meri khata….
Teri khata kuch bhee naheen!
Jis par hamari aankh nay
Moti bichaye raat bhar
Bheja wohee kaghaz usay
Ham nay likha…… Kuch bhee naheen
Ek shaam kee dehleez per
Baithay rahay woh dair tak
Aankhon say kee batain bohat
Munh say kaha…..kuch bhee naheen!
Do chaar din kee baat hay
Dil khak mein mil jaeyey ga
Jab Aag per kaghaz rakha
Baqi bacha ….. Kuch bhee naheen
Qismat ka likha 2007-11-19 15:36:19 Kahin tum apni qismat ka likha tabdeel kar lete
To shaid hum bhi apna raasta tabdeel kar lete
Agar hum waqi kam hosla hote muhabbat mein
Marz bahrne se pehle hi dawa tabdeel kar lete
Tumhare saath chalne per jo dil razi nahin hota
Buhat pehle hum apna faisla tabdeel kar lete
Tumhe in mausamoo ki kya khaber milti agar hum bhi
Ghutan ke khof se aab-o-hawa tabdeel kar lete
Tumhari tarah jeene ka huner aata to phir shaid
Makan apna wohi rakhte pata tabdeel kar lete
Wohi kirdaar hain taza kahani mein jo pehle bhi
Kabhi chehra kabhi apni qaba tabdeel kar lete
Judai bhi na hoti zindagi bhi sehel hojati
Jo hum ek dosre se masla tabdeel kar lete
Hamesha ki tarah isbaar bhi hum bool uthe warna
Gawahi dene wale, waqiyat tabdeel kar lete
Buhat dhundla gaya yaadon ki rim jhim mein sada dil
Woh mil jata to hum yeh aaiyna tabdeel kar lete.
Recommend Site To A Friend
